Pasal
Chapter 1
1 Umet Yudas, hamba Yesus Kristus ngan senganak Yakobus, pala' ire neng tebai ngan pengelesau dalem Allah Amai, ngan penjelum Yesus Kristus. 2 Penjelum, kebangen, peniga ngan pengelesau ya' nyangan ikam. 3 Senganak-senganake ya' aki' lesau, daleue' lan - lan nengayet menyurat pala' ikam neng keselamatan lu mung, aki' tisen un kaseng ka menyurat pala' ikam ngan pekatuk ikam, apan nem puto nengayet ka menageng neng pengelan ya' lepek na pafi' pala' kelunan-kelunan buwe'. 4 Nga tula un kelunan tugen ya' lepek nai menyelem nengaang ikam, ya' iti kelunan-kelunan ya' lepek nyain ka siu' neng ukum. Iri ta kelunan-kelunan ya' makit, ya' sala' ka nan pengelesau pengencai Allah lu neng ka bara' kadep-kadep ra, ngan ya' nee tisen ka se kuasa ngan Tuhan lu, Yesus Kristus. 5 Aken, seluwai nem lepek tisen mung a iti ngan nee un ngedawa'a le'e, aki' ufa' ikam ngetawai neng lan Tuhan menyelamatkan lebua umet tana' Mesir, ngan seluwai le'e ka pesalai ire ya' nee mengelan. 6 Ngan ka ya' mapo malaikat-malaikat ya' nee un nyingo pala' tuken-tuken ka amun ra, aken ya' tai lap ufan ra, ngan peging kaputra ko usun tana' ya' mentem pafi' kepakara neng dau ja'au iti, 7 kua' keba'an Sodom ngan Gomora ngan lebu'-lebu' ira pipa a, ya' ngan cara ya' pekua' ka uyai puyan kepetaro ngan ka pafat puyan-puyan ya' nee teneng, lepek kesiu' tuyen apui ya' nyain seleket se kadu' pala' ketu' kelunan. 8 Nga mengiti ti kelunan-kelunan ya' ngelupei-ngelupei ti ire pa ngejameng use ra ngan peja'at neng kuasa Allah pafi' ngetepet ketu ya' tiga umet surga. 9 Aken pengeja'au malaikat, Mikhael, daleu dalem kepekateng ngan iblis neng kelusan Musa, nee un makang ra pekara iblis ti ngan isiu - isiu keja'at, aken daaura: "Ineu man Tuhan ti nee pesata iku'!" 10 Aken neng iti ra peja'at ketu' ineu ya' ire nee tisen ngan ya' iti ineu ya' ire ketisen ngan tuyau ra keba'an sen ya' nee un kimet, iti ta ya' ka ngkin ufan sala' ra. 11 Ka sala' ra neng ire ngebaya asat ya' ufan Kain iti ra, ala' se upa ngan pelepum use ra ke dalem lingeu Bileam, ngan ire kasalai ka neng keja'at keba'an Korah. 12 Ire ni ta kejameng dalem perjamuan kasih ikam, mengiri ti ra nee un se se menco ngan bang kume use ra tengen: Ire ku keba'an se afen ya' nee un sungai, ya' tai lalau so'on kepo: Mengiri tira keba'an pu'un-pu'un ya' dalem musim kuba ngan nee un ka ngebua' pu'un-pu'un ya' ke mengkang ngan pakat-pakat a ya' tai matai kua' lu. 13 Ire keba'an se lupak laut ya' mawen, ya' ngebura ke penutira tengen; ire keba'an sebetuen - betuen ya' neng ire lepek pengan ko usun tana' ya' mentem pe ke nyain-nyain na. 14 Mengiri pa neng ire Henokh, keturunan ya' ke tusu' umet Adam, lepek uyai tuken daaura: "Atek ka lan na Tuhan nai ngan beribu-ribu kelunan buwe' a, 15 ufa' ka pekara mung kelunan ngan ka pelepo ukum neng kelunan-kelunan ja'at (fasik), ufan na mung puyan ra ja'at, ya' ire uyai ngan mung isiu-isiu, baka' ya' ire tei kelunan-kelunan un penyala' ya' ja'at iti neng jume Tuhan.” 16 Ire ti kelunan-kelunan ya' mengueng ngan i o tawai neng ketulat ra, murip baya' pengufa' aken bara' iti pisiu-pisiu ya' nee un te pu'un ngan ire petudi dulu apan ra ka un untung. 17 Aken ikam, senganak- senganake ya' aki' lesau, ngetawai na ka ineu ya' aring lepek bara'a pala' ikam so'on rasul-rasul Tuhan lu, Yesus Kristus. 18 Nga ire ya' lepek bara'a pala' ikam: Neng koo bya'a ka un kenai ketepet ngan pesuto ya' kenai murip baya' pengufa' pengeja'at ra." 19 Ire ta ka ne kasing ngan ka menganun bang pengufa'-pengufa' usun tana' ini ngan ya' murip nee un Roh Kudus. 20 Aken ufan na ikam, senganak-senganak ake ya' aki' lesau bekina use o tengen ko usun tentan pengelan no' ya' atek buwe', ngan sembayang na dalem Roh Kudus. 21 Petubo na use o mengini dalem pengelesau Allah ngan pekena peniga Tuhan lu, Yesus Kristus, neng pengurip ya' nyain. 22 Bara' na dalem pengelesau pala' ire ya' dawa'-dawa', 23 selamatkan nira ngan janan ka punan ire umet apui. Aken bara' na pengelesau ya' ngan ketakutan pala' kelunan-kelunan ira se pa, ngan suto na kelajen ra ya' ka mano so'on pengufa'-pengufa' ya' sala'. 24 Tulat Ta ya' un kuasa ka jaga' apan iri nem petatek ngan ya' ngkin ikam ngan nee mano ngan sangan kebangen neng jume kepeniga a. 25 Allah ya' se Juruselamat lu so'on Yesus Kristus, Tuhan lu, neng Ye un peniga, ya' keja'au, ka pengayeng ngan kuasa kena ketu' tuken ngan na' kini ngan pafi' ke nyain-nyain na. Amin. front
