36. Jisasin Ontinken namac Wenic Wadosapaten Anon Kayakami Kemi.

Mana nurami Jisasi wenic kandac manawac disaipoliuc yiwikemi Pita, Jaimsi Jonin acnami.(Jisasin nom marankanin Joni waino, eno ino). Anon anufaci intantirani yeyan ureno.

Micnimi Mosesiuc profet Ilaisa kandan afotafic eno. Mini wainta kanda peyukan amucna orande yankakani wakeyouni afotafic eno. Yekanda Jisasinic pukin Jerusalemic makusin inaninani teno.

Mosesiuc Ilaisa kanda Jisasin namac waya tami Pita Jisasin tamemi, "Manakac wanami ayokufic mintemino. Yic kandac manawac wayu mac uwarano. Mana eninda uwarec, Mosesin inda uwarec ena Ilaisan inda uwarano." Pita wayani indiren iyen temino.

Jisasi yemi yiruaremi temi, "Iye pekec ukukako." Yeni ona yeukomi Jisasi weyacomi wami.

Pa Pita waya tewami efan konan yemi yeukuimi mikinken wayani indemi temi, "Mini ten Tikac ino, Tiyikarac ewana Intaino. Wen nanana timoyewana intai ino. Wen awayanana wac indecko." Mini indeni kandac manawac disaipoliuc pekeni yuni makakimi ayofeno.

Jisasi kukandemi inantewami, wen ontake kakani ac amanken imi wenic wacdofaten efaric emi kayakami kemi. Mana makakac wenin efar andandauc waci aruremi efarikukam memi.

Jisasi mini kandac manawac disaipoliuc namac yeweken anufate kumemi. Jisasi yemi tiyimemi, "Onekon andanda iyewakac tiyimeko. Te pucec ukukaonakaci wanta anasi tiyimeko."

Baiboli Kinkena Wayani: Matiu 17:1-9; Maki 9:2-8; Luki 9:28-36