42. O Isus boldelpes po nebo

Po đes kana o Isus sas uskrsnima andar e mule, duj katar lešće sikamne džanas te obilazisaren o gav. Dok phirenas, ćerenas svato pale sa so sas e Isuseja. Nadisajle kaj si vo o Mesija, ali aska sas mudardo. Akana e romnja phendine kaj si palem džudo. Či džankline so te pađan.

O Isus nakhlo lenđe thaj počnisardas te phirel lenca, ali von či pindžardinele. Phučlalen so ćerdine svato, pa phendine lešće sa šukar so dogodisajlo e Isuseja maj sigo nesave đesa. Gndisardine kaj ćeren svato e gostosa savo čidžanel so sas ando Jeruzalem.

Askal o Isus objasnisardas lenđe so e Devlesko alav mothol andar o Mesija. Dijalen gođi so e prorokurja phendine kaj o Mesija patila thaj avela mudardo, ali uskrsnila trito đes. Kana aresline dži ko gav kaj kala duj roma kanisardine te ačhen, gata peli e rjat.

E duj roma akhardine e Isuse te ačhel lenca, pa pristanisardas. Kana sas spremne te han e večera, o Isus vazda o mangro, zahvalisardas e Devlešće pale leste, thaj phaglale. Andar jekhvar von pindžardinele kaj si vo o Isus. Ali ande godova trenutko nestanisardas angle lenđe jakha.

E duj roma phendine jek avrešće: "Godova sas o Isus! Zato amare ile phaponas kana objasnisarelas amamenđe e Devlesko svato!" Odma đeletar palpale ando Jeruzalem. Kana aresline, phendine e sikamnenđe: "O Isus si džudo! Dikhlamles!"

Dok e sikamne cerenas svato, o Isus andar jekhvar pojavisajlo ande soba lenca thaj phendas: "Miro tumenđe!" E sikamne gndisardine kaj dićhen e duho, ali o Isus phendas: "Sostar sen darane thaj sumljičave? Dićhen mungre vas thaj mungre pungre. E duhonen naj telo sago man kaj si." Te dokažil lenđe kaj naj duho, manglas lendar vareso te hal. Dinele kotor peko mačho, a vo haline.

O Isus phendas: "Phendem tumenđe kaj sa so si ramome pala mande ande Devlesko Alav moraš te ispunisarelpes." Askal putardas lenđi gođi te šaj haćaren e Devlesko Alav. Phendas: "Damut si ramome kaj o Mesija patila, merela thaj uskrsnila andar e mule trito đes."

"Isto gajda si ramome ande Lila kaj mungre sikamne navestina savorenđe te pokajinpe te primin jartosardipe pale pire bezeha. Počnina te ćeren akava ando Jeruzalem, a askal džana sa e themešće svugde. Tumen sen svedokurja pale akava."

Pale štarvardeš đes save avena, o Isus pojavilaspe pire sikamnenđe but drom. Jekhvar majbut katar 500 roma dikhlinele andar jekhvar! Dokažisardas pire sikamnenđe pe but načinurja kaj si džudo, thaj sikavelas len andar o kraljevstvo e Devlesko.

O Isus phendas pire sikamnenđe: "Dineisardi si manđe sasti vlast po nebo thaj pe phuv. Dakle, džan, thaj ćeren sikamne katar sa o them gajda kaj bolena len ando alav e Dadesko, e Čhavesko thaj e Sveto Duhosko, thaj sikavenlen te aven poslušne ande sa so zapovedisardem tumenđe. Dentumen gođi me avava sasti vrjama tumenca."

Štarvardeš đes nakon so o Isus uskrsnisaras andar e mule, phenda pire sikamnenđe: "Ačhen ando Jeruzalemo dok e sila e Duho Svetošći či fuljel pe tumende." Askal o Isus đelotar po nebo, thaj o oblako garadasle katar lenđe jakha. O Isus bešlas pe desno rig e Devlešći te vladil pe sa.

Biblijske paramiča andar o: Matej 28:16‒20; Marko 16:12‒20; Luka 24:13‒53; Jovan 20:19‒23; e Djela apostolska 1:1‒11