43. E khanđiri počnisarel

Nakon so o Isus boldaspe po nebo, e sikamne ačhiline ando Jeruzalem sar o Isus zapovedisardas lenđe te ćeren. E vernikurja stalno kote ćidenaspe pe molitva.

Svako brš, 50 đes nakon e Pasha, e Židovurja slavinas važno đes akhardo Pandžvardešutno đes. Pandžvardešutno đes sas kana e Židovurja slavinas e žetva e đivešći. E Židovurja andar o sasto them avenas pe godova đes ando Jeruzalem te zajedno slavisaren o Pandžvardešutno đes. Akava brš, e vrjama Pandžvardešutne ćesešće avilo katar o kurko đes sar o Isus đelotar po nebo.

Dok sas e vernikurja sa zajedno, andar jekhvar ando ćher savo sas pherdili zvukosa bare bavlajaće. Askal vareso so izgledilas sago cikno plameno e jagago pojavisajlo pe šore sa e vernikonengo. Sa von pherdinepe e Duho Svetosa thaj počnisadine te ćeren svato aver čhibja.

Kana o them andar o Jeruzalem ašundine e buka, but aviline te dićhen so dogodisarelpes. Kana o them ašundas e vernikonen sar najavisaren e šukar delurja e Devlešće, sas začudime kaj ašundine sa kava pe pire dejaći čhib.

Varesave katar e roma optužisardine e sikamnen kaj si mate. Ali o Petar uštilo thaj phendas lenđe: "Ašunen man! Akala roma naj mate! Akava ispunisarelpe o proročanstvo savo phendas o proroko Joel ande savo o Del phenel: "Ande poslednje đesa izliva mongro Duho.'"

"E romalen Izraelcurjalen, o Isus sas rom savo ćerdas but moćne znakurja thaj čudurja e Devlešće moćeja, sagot kaj dikhline thaj već džanen. Ali tumen razapnisardinele."

"Vi ako o Isus mulo, o Del uskrsnisardale andar e mule. Akava ispunisarel o pročanstvo savo phenel: 'Či mućeja te ćo Sveco ćernol ando limori.' Amen sam svedokurja kaj o Del palem e Isuse uskrsnisardas ando trajo."

"O Isus si akana vazdino pe desno rig e Devlešći lešće Dadešći. A o Isus bičhaldas e Duho Sveto baš sar obećisardas kaj ćerela. O Duho Sveto prouzročisarel sa kava so akana dićhen thaj ašunen."

"Tumen razapnisardine akale rome, e Isuse. Ali džanen sigurno, kaj o Del e Isuse ćerdas Gospodom thaj e Mesijava."

E roma save ašundine e Petre sas zurale uznemireme okoleja so ašundine. Pa phučline e Petre thaj e sikamnen: "Phralalen, so te ćeras?"

O Petar phendas lenđe: "Svako tumendar trubul te pokailpe thaj te avel boldo ando alav e Isuse Hristosko te o Del jartosarel tumenđe tumare bezeha. Askal delatumen isto daro e Duho Svetosko."

Katar 3000 roma paćajine ande godova so o Petar phenda thaj postanisardine e Isusešće sikamne. Sas boldine thaj postanisardine deo e khanđirjako ando Jeruzalemo.

E sikamne neprestalno ašunenas e apostolengo sikavnipe, e vrjama nađhelas lenđe zajedno, hanas zajedno, thaj molinas pe jek avreja. Uživinas zajedno slavinas e Devle thaj sa so saslen delinas jek avresa. Savora lačhe gndinas pale lende. Svako đes sa majbut them postaninas vernikurja.

Biblijsko paramiči andar e: Djela apostolska 2