44. O Petar thaj o Jovano sastaren e prosijako

Jek đes o Petar thaj o Jovano đele ando Hramo. Dok naćhenas e Hramošće vudarešće, dikhline jećhe banđe rome savo prosilas love.

O Petar dikhlas e hrome rome thaj phendas: "Najman love te davtut. Ali davatu kova so siman. Ande Isusesko alav ušti thaj phir!"

O Del odma sastardas e banđe rome, a vo odma počnisardas te phirel thaj te hutel okolo, thaj slavisarel e Devle. O them ande avlija e Hramošći sas začudime.

But o them odma aviline te dićhen e rome savo sas sastardo. O Petar phendas lenđe :"Sostar sen začudime kaj si kava rom sastardo? Amen či sastardamles amare snagava ili lačhipava. Nego, sas godova e Isusešći moć thaj paćipe savo o Isus dija kolen save sastarda akale rome."

"Tumen sen kola save phendine e rimske upraviteljenđe te mudaren e Isuse. Tumen mudardine e tvorce trajošće, ali o Del uskrsnisardale andar e mule. Vi ako či haćardine so ćerdine, o Del iskoristisardas tumare dela te ispunil o proroštvo kaj o Mesija trpila thaj merelela. Gajda kaj kana pokajintume thaj boldentumen e Devlešće te tumare bezeha aven oprostime."

E upraviteljurja e Hramošće sas zurale uznemirime okolesa so o Petar thaj o Jovano phenenas. Pa astardinelen thaj phanglinelen ando phanglipe. Ali but o them paćaja e Petrešće porukaće, thaj o brojo e themesko save počnisardine te paćan ando Isus barilo pe oko 5000.

Aver đes e židovske vođe andine e Petre thaj e Jovane ko barorašaj thaj aver pobožne vođenđe. Phučline e Petre thaj e Jovane: "Kasće moćosa sastardine kale rome?"

O Petar phendas lenđe: "Akava rom ačhel angle tumende sastardo e Isusešće Mesijašće moćosa. Tumen razapnisardine e Isuse, ali o Del palem uskrsnisardasles ando trajo! Tumen odbisardinele, ali či postoil ni jek aver načino te spasisarelpe osim kroz o moćo e Isusesko!"

E vođe sas šokirime kaj o Petar thaj o Jovano ćerenas svato gajda odvažno kaj dikhline kaj si kala roma, obične roma save nas školuime. Ali askal dinepe gođi kaj sas kala roma e Isuseja. Nakon so zapretisardine e Petrešće thaj e Jovanošće, muklinelen.

Biblijsko paramiči andar e: Djela apostolska 3:1‒4:22