3. Potopo

Nakon lungo vrjama, po them trailas o but o them. Thaj postanisardine but bilačhe thaj opasne. Thaj sas gajda bilačhipe kaj o Del odlučisarda te uništil sasto them bare potopeja savo sas baro handuk paj .

O Del smiluisajlo e Noašće. Vo sas pravedno rom savo trajilas maškar bilačhe manuša. O Del phenda e Noašće palo potop savo planirisarda te bičhalel. Phenda e Noašće te ćerel baro brodo.

O Del phenda e Noašće te ćerel lungo brodo katar 140 meterja, bulo 23 meterja, thaj vučo 13,5 meterja. O Noa trubujas te ćerel les katar e kaš, te avel pe trin spratujra, but sobe, krovo thaj pendžere. O brodo arakhlas e Noa thaj lešće familija thaj svako vrsta životinje save trainas pe phuv katar o baro handuk paj savo akhardolas potop.

O Noa čhuts kan ko Del. Vo thaj lešće trin čhave sagradisardine o brodo tačno sar o Del phendas. Trubujalen but brš te sagradilpes o brodo, kaj sas but baro. O Noa phenelas e themešće te lenpe sama kaj avel o baro handuk paj savo akhradol potopo thaj phenda lenđe te bolden pes e Devlešće, ali von či paćaine lešće.

O Del isto zapovedisarda e Noašće thaj lešće familijaće te ćiden but hamasko pale peste thaj pale životinje. Kana sas sa gata, o Del phenda e Noašće kaj si e vrjama te vo, lešći romnji, lešće trin čhave thaj lenđe romnja, den ando brodo–ukupno ohto manuša.

O Del bičhaldas muško thaj žensko katar svako životinja thaj katar e čiriklja ko Noate šaj den ando brodo thaj te aven po sigurno than pale potopošći vrjama. O Del bičhaldas efta muške thaj efta ženske katar svako vrsta e životinjendar savi šaj te žrtvuisardinesas. Kana sas savora ando brodo, korkoro o Del phandadas o vudar.

Aska teljardas o bršnd te perel, te perel, thaj te perel. Perelas štarvardeš đes thaj štarvardeš rjat thaj či ačhelas! O paj inkljelas vi andar e phuv. Sa ando sasto them sas učhardo e pajesa, čak vi e maj vuče planine.

Sa so trajilas pe phuv mulo, osim o them thaj e životinje save sas ando brodo. O brodo plutilas po paj thaj araćhelas sa so sas andre ando brodo katar godova ta či tasadon.

Kana o bršnd ačhilo, o brodo plutilas po paj još pandž čhon, a pale godoja vrjama o paj počnisarda te perel. Aska jek đes o brodo ačhilo po vrho e planinako, ali o them sas još uvek talo paj. Kana nakhlo već trin ćhon , dićhonas e vrhurja e planinaće.

Kana nakhlo još štarvardeš đes, o Noa bičhaldas e čiriklja savi akhardol gavran te dićhel dali o paj šućilo. O gavrano džalas thaj boldelaspes, rodelas o kopno, ali či arakhla les.

Maj posle o Noa bičhaldas e čiriklja savi akhardol golubica. Ali ni voj či arakhlas o kopno, thaj boldape palpale ko noa. Palo kurko đes palem bičhalda e golubica, savi boldaspes e maslinašće ranjava ando kljuno! O paj crdaspes, thaj e biljke palem počnisardine te barjon.

O Noa ažućarda još kurkođes thaj bičhaldas e golubica po trito drom. Akava drom arakhla kaj šaj te ačhel thaj či boldaspes. O paj šućolas!

Duj čhon majposle, o Del phendas e Nojašće: "Tu thaj ćiri familija thaj e životinje akana šaj te inkljen andar o brodo. Thaj te aveltumen but čhavra thaj unukujra thaj te pheren e phuv." Gajda kaj o Noa thaj lešći familija inkljistine andar o brodo.

Kana o Noa inkljisto andar o brodo, sagradisardas žrtveniko thaj žrtvuisardas katar svako vrsta životinje save šaj koristisajel pale žrtva. O Del sas bahtalo godole žrtvasa thaj blagoslovisardas e Noa thaj leše familija.

O Del phenda: "Obećisarav kaj nikada majbut či prokljinjiva e phuv zbog o bilačhipe savo ćeren e manuša niti uništiva lat e potopesa, vi ako si e manuša grešne katar o ciknipe."

O Del ćerdas e prvo duga sago znako kaj obećisardasa. Svako drom kana pojavilpe e duga po nebo, o Del delapes gođi so obećisardas, gajda denape gođi vi lesko them.

Biblijaće paramiča andar o: Postanak 6-8