14. O Them lutilas e divljinasa

Nakon so o Del objavisardas e Izraelconenđe e zakonurja savenđe kamlas te aven poslušne te gododova avel sago deo lesko savezo lenca, askal đeletar katar e planina Sinaj. O Del počnisardas te inđarelen prema e Obečime phuv, savi još akhardolas Kanan. O stubo katar o oblako džalas angle lende prema o Kanan a von sledinisarenas les.

O Del obećisardas e Abrahamešće e Izakošće thaj e Jakovešće kaj dela e obećime phuv lenđe potomkonenđe, ali akana okote trajilas but o them. Saven akharenas kanancurja. E Kanancurja či poštujinas niti slavinas e Devles. Von poštujinas e hohamnen devlen thaj ćerenas o baro bilačhipe.

O Del phendas e Izraelconenđe: "Moraš te tradin sa e Kananconen andar e obećime phuv. Na te sklopisaren o miro lenca thaj na te ženin tumen lenca. Moraš te potpuno uništin sa lenđe idolurja. Ako či čhon kan mande, poštujina lenđe idolen umesto man."

Kana e Izraelcurja aresline dži ke granica Kanan, o Mojsije izabirisardas dešuduj muškonen, po jeche katar svako izraelosko pleme. E muškonen dijas upute te džan thaj te špijonirin e phuv te dićhen sošći si. Isto trubuine te špijunirin e Kananconen te dićhen dali si zurale ili slabe manuša.

E dešuduj muškarcurja putuinas kroz o Kanan štarvardeš đes thaj askal boldinepe palpale. Thaj phendine e themešće: "E phuv si zurale plodno thaj bijanel but lačhe thaj bare plodurja." Ali e deš špijunurja phendine: "E gava lenđe si zurale a godola manuša si divurja! Ako napadis len, sigurno pobedina amen thaj mudarenamen!"

Ali e aver duj uhode, o Kaleb thaj o Jošua, odma phendine: "Čačes si kaj si e manuša andar o Kanan zurale vuče thaj zurale, ali amen sigurno šaj te pobedis len! O Del borilapes pale amende!"

Ali o them či čutas kan ko Kaleb thaj ko Jošua. Thaj holjajle po Mojsije thaj po Aron thaj phendine: "Sostar andanamen akate pe akava džungalo than? Maj lačhe te ačhilamas ando Egipat, a na te avas mudarde ande borba a amare romlja thaj amare čhavra te aven roburja." O them kamlas te izbirisaren pešće aver vođa savo boldelalen ando Egipat.

O Del zurales holjajlo thaj avilo ando šator e sastankosko. O Del phendas: "Pošto pobunisajle protiv mande, sasto them akana moraš te lutila e pustinjasa. Osim o Jošua thaj o Kaleb, svako kas si biš brš ili majbut akate merela thaj nikada či dela ande obećime phuv."

Kana o them ašundas godova, sas lenđe žao kaj sagrešisardine. Line piro oružije thaj đele te napadnin e Kananconen. O Mojsije upozorisardaslen te na džan kaj o Del naj lenca, ali von či čhutine kan leste.

O Del či đelo lenca ane akaja bitka, pa sas porazime thaj but lendar sas mudarde. Askal e Izraelcurja boldinespes katar o Kanan thaj lutisardine e pustinjasa štarvardeš brš.

Ande godola štarvardeš brš sar o them Izraelosko lutilas e pustinjasa, o Del vodilas e briga pale lende. Dijaslen mangro andar o nebo, savo akhardolas "mana". Ujedno vi bičhaldas lenđe jato čiriklja, save akhardanas prepelice, ande lenđe logorurja te šaj han mas. Sasti godoja vrjama, o Del arakhlas lenđe drze thaj lenđe sandale katar godova te na ćernjon.

O Del čudesno dijaslen čak vi paj andar e stena. Ali vi ako o Del delas len kroz akala brš habe, paj, drze thaj sa so sas lenđe potrebno o Ιzraelsko them prigovorilas thaj mrmljilas po Del thaj po Mojsije. Ali čak vi askal, o Del sas verno kolešće so obećisardas e Abrahamešće, e Izakošće thaj e Jakovešće.

Jek aver drom kana e themes nas paj, o Del phendas e Mojsijašće: "Phen e stenaće thaj o paj inkljela andar late." Ali o Mojsije obesčastisardas e Devles anglo sasto them gajda kaj dijas dab duvar pe stena e rovljasa umesto te phendasas laće. O paj inkljisto andar e stena te savora šaj pijen, ali o Del sas holjariko po Mojsije thaj phendas: "Tu či deja ande obećime phuv."

Nakon so e Izraelcurja lutisardine e pustinjasa štarvardeš brš, sa save pobunisajle protiv o Del muline. Askal o Del palem andas e themes dži ko rubo ke obećime phuv. O Mojsije sas akana zurale purano pa o Del odabirisardas e Jošua te pomognil te vodisarel e themes. O Del isto gajda obećisardas e Mojsijašće kaj jek đes bičhalela prorokos savo avela sago o Mojsija.

Askal o Del phendas e Mojsijašće te džal po vrho e planinako te šaj dićhel e obećime phuv. O Mojsije dikhlas e obećime phuv ali o Del či dijas te del ande late. Askal o Mojsije mulo, a e Izraelcurja tugujinas štarvardeš đesa. A o Jošua postanisardas lengo nevo vođa. O Jošua sas lačho vođa kaj paćalas thaj sas poslušno e Devlešće.

Biblisko paramiči andaro: Izilasko 16-17, Brojurja 10-14; 20; 27; Ponovime zakono 34