28. Barvalo terno čhavo

Jek đes, jek terno barvalo čhavo avilo ko Isus haj phulča les: "Lačhe sikavneja so trubul te ćerav te avelman večno trajo?" O Isus phendas lešće: "Sostar akharesman 'lačhesa'? Samo si jek kaj si lačho, a godova si o Del. Ali ako kames te aveltu večno trajo, av poslušno e Devlešće zakonenđe:"

"Ande save zapovedi trubul te avav poslušno?" phučlas o terno, a o Isus Phendas lešće: "Na mudar. Na ćer preljub. Na čor. Na hohav. Poštuisar ćire dades thaj ćire deja, thaj volisar ćire pašutne sago korkoro tut."

Ali o terno phendas: "Katar mungro ciknipe Semas paćivalo akale zakonenđe. So još trubul te ćerav te traiv većno?" O Isus dikhlas pe leste thaj zavolisardas les.

Thaj o Isus phendas lešće: "Ako kames te aves savršeno, askal dža thaj bićin sa so situt thaj e love de e čorenđe, thaj avelatu barvalibe ando nebo. Aska av thaj dža pale mande."

Kana o terno ašundas so phendas o Isus, zurales ražalostisajlo, kaj sas zurale barvalao thaj čikamlas te des sa so sasles. Boldaspes thaj đelotar katar o Isus.

Askal o Isus phendas pire učenikonenđe: "Zurales si phare e barvalenđe te den ando carstvo e Devlesko! Ej, maj loćes si e kamilaće te naćhel kroz e suvjaće kan nego e barvalešće ando carstvo e Devlesko."

Kana e učenikurja ašundine so o Isus phendas, sas šokirime thaj phendine: "Ko askal šaj avel spasime?"

O Isus dikhlas pe piree učenikurja thaj phendas: "E manušenđe si nemoguće, ali e Devlešće, sa si moguće."

O Petar phendas e Isusošće: "Amen muklam sa thaj ake džas pale tute. So avela amari nagrada?"

O Isus phendas lešće: "Svako savo mućel piro ćhe, phralen, phejen dades, deja, čhavren ili o barvalipe zbog mande primila šel (100) drom maj but thaj vi isto gajda primila vešno trajo. Ali but okola save si prve avena poslednje, a but okola save si posledne avena prve."

Biblijske paramiča andar o: Matej 19:16-30; Marko 10:17-31; Luka 18:18-30