47. O Pavle thaj o Sila ande Filipime

Dok o Savao putuisardas kroz o Rimsko Carstvo, počnisardas te koristil piro rimsko alav: "Pavle." Jek đes, o Pavle thaj lesko drugari o Sila đele ando gav Filipe te navestisaren e bahtali nevimata andar o Isuso. Đele po than paše reka savi akhardolas grada kaj ćidelas pe o them pe molitva. Askal aresline romnja alavesa Lidija savi sas trgovkinja. Voj volilas thaj štuilas e Devle.

O Del putardas e Lidijako ilo te paćal e porukace andar o Isus, pa voj thaj laći familija sas bolde. Voj akharda e Pavle thaj e Sila te ačhen ande lako ćher, pa von ačhiline late thaj ke laći familija.

O Pavle thaj o Sila često araćhenas pe e tremeja po than kaj sas e molitva. Svako đes dok phirenas dži kote, jek ropkinja savi sas opsjednime e benđenca stalno džalas pala lende. Preko godova beng, voj dićhelas e budućnost e themešće, pa zaradilas but love pire gospodarenđe sago vračarica.

Dok phirenas, e ropkinja čholas muj: "Akal roma si sluge e Bare Devlešće. Von phenen tumenđe načino sar te spasisarentumen!" Voj ćerelas godova gajda često kaj dosadisardas e Pavlešće.

Pale jek đes, kana e ropkinja počnisardas te čhol muj, o Pavle boldape late thaj phenda e benđešće savo sas ande late: "Ande Isusesko alav, inklji andar late." O beng odma muklala.

E roma save sas vlasnikurja godole ropkinjanje zurale holjajle! Svatisardine kaj bi e benđesko, e ropkinja naštik e themešće te mothol e budućnost. Godova značilas kaj o them majbut či poćinela love laće vlasnikonenđe te voj phenel lenđe so avela lenđe.

Gajda kaj e vlasnikurja godole ropkinjaće inđardine e Pavle thaj e Sila e rimske vlasnikonenđe, save mardinelen thaj čhudinelen ando phanglipe.

Čhutine e Pavle thaj e Sila ande maj arakhado deo e phanglipasko, a čak zakovisardine lenenđe pungre. A ipak, maškare ande rjat, von đilabenas đilja save slavinas e Devle.

Andar jekhva sas baro potres! Sa e vudara ando phanglipe putajle thaj e lancurja katar e sa robijaša peline.

O tamničari džungadilo, a kana dikhla kaj si e vudare e phanglipešće putarde, sas zurale dadano! Gndisardas kaj sa e robijaša našline, thaj planirisardas te mudarelpe. (Džangla kaj e rimske vlasti mudardinesas le te muklasas e robijašenđe te našen.) Ali o Pavle dikhlale thaj čhuta muj: "Ač! Na vazde ćo vas pe tute. Savora sam kate."

O tamničaro ćhinolaspe dok avelas e Pavlešće thaj e Silašće thaj phučla: "So trubul te ćerav te avav spasime?" O Pavle phenda: "Paća ando Gospod, Isus thaj vi tu vi ći familija avena spasme." Askal o tamničari anda e Pavle thaj e Sila ande piro ćher thaj thodas lenđe rane. O Pavle propovedisardas e lačhi vest andar o Isuso savorenđe ande lesko ćher

O tamničari thaj lešći sasti familija pačajine ando Isus thaj sas bolde. Askal o tamničari dija e Pavle thaj e Sila te han, thaj zajedno raduisajle.

Aver đes e vođe e gavešće oslobodisardine e Pavle thaj e Sila andar o phanglipe thaj rodine lendar te džantar andar e Filipe. O Pavle thaj o Sila posetisardine e Lidija thaj aver drugaren thaj askal đeletar andar o gav. E bahtali nevimata andar o Isuso nastavisardas te buljol, a e khanđiri nastavisardas te barjol.

O Pavle thaj e aver hrišćanske vođe putujinas ande but e gava, propovedinas thaj sikavdenas e theme lačhi vest palo Isuso. Isto gajda roamosardine but e lila te ohrabrin thaj sikaven e vernikonen ande khanđirja. Varesave andar godola lila postanisardine lila ande Biblija

Biblijsko paramiči andar e: Djela apostolska 16:11‒40