18. Podelime kraljesvtvo

Pale but brš, o David mulo. A lesko čhavo o Salomon počnisardas te vladil po Izraelo. O Del progovorisardas e Salomonešće thaj phučlales so majbit kames te aveltut. Kana o Salomon manglas mudrost, o Del sas zadovoljno thaj ćerdas les te avel maj mudro manuš po them. O Salomon sićilo but stvarja thaj sas zurale mudro sudco. O Del ćerda les te avel vi zurale barvalo manuš.

O Salomon , ando Jerusalimo vazdas hramo pale savo lesko dad o David ćerdas plano thaj ćidas matrijali. O them akana poštujilas e Devle thaj prinosilas lešće žrtve ando hramo umesto ando šatori e sastankosko. O Del avilo thaj sas prisutno ando hramo, thaj trajilas pire themeja.

Ali o Salomon volilas e romnjen andar e aver phuvja. Thaj zato či paćajas e Devlešće thaj lijas pešće pale romnja bute manušnjen, skoro miljen (1.000) len! But katar godola manušnja aviline andar e aver phuvja thaj andeine pesa pire devlen thaj nastavisardine te poštujin len. Kana o Salomon phurajlo vi vo počnisardas te poštujisarel pire romnjenđe devlen.

O Del holjajlo po Salomon thaj obećisardas lešće, sar e kazna pale godova kaj či paćajas e Devlešće, obećisardas kaj nakon e Salomonesko smrto, podelila e Izraelošće themes ande duj carstvurja.

Nakon so mulo o Salomon, lesko čhavo o Rehaboam postanisardas caro. O Rehaboam sas bi gođaver. Sa o them andar o Izrael ćidiapes te potvrdisaren les sako caro. Prigovorisardine e Rehaboamešće kaj o Salomon tradelas len te phare ćeren bući thaj te poćinen o baro porez.

O Rehaboam dile phendas lenđe: "Tumen gndin kaj mungro dad o Salomon tradelas tumen te phares ćeren bući, ali me tradava tumen još majphare te ćeren bući nego so vo tradelas tumen, thaj kazniva tumen maj but nego vo."

Thaj gajda, deš e Izraelošće plemenurja pobunisajle protiv o Rehoboam. Samo duj plemenurja ačhiline lešće verne. Akala duj plemenurja postanisardine e Judejsko carstvo.

Aver deš thema andar e Izraelosko plemeno, save pobunisajle protiv o Rehoboam, čhutine e manušes savo akhardolas Jeroboam te avel lengo caro. Piro carstvo čhutine ande severno rig e phuvjako, a akhardinepes e Izraelosko carstvo.

O Jeroboam pobunisajlo protiv o Del thaj crdas e themes po bezah. Vazdas duj idolurja te o them poštuil len, umesto te poštuin e Devles ando hramo ando Judejsko carstvo.

E Judejsko thaj e Izraelsko carstvo postanisardine dušmaja thaj često borinas pes jek protiv avereste.

Ando nevo Izraelsko carstvo, sa e carurja sas bilačhe. But katar godola carurja sas mudarde katar e Izraelcurja, save kamline te postanin carurja umesto lende.

Sa e carurja thaj o but o them ando Izraelosko carstvo poštujinas e idolen. Lengo poštujipe e idolen često uključilas seksualno bilačhipe, a varekana prinosinas e čhavrenca sago žrtve .

E Judejske carurja sas potomkurja e Davidešće. Varesave katar godola carurja sas lačhe manuša save vladinas pravedno thaj poštuinas e Devles. Ali majbut e Judejske carurja sas bilačhe thaj poštuinas e idolen. Varesave carurja carurja čak žrtvuinas pire čhavren e hohamne devlenđe. But o them andar e Judeja isto pobunisajle protiv o Del thaj poštuinas aver devlen.

Bibliske paramiča andar e: 1. Kraljevima 1-6; 11-12