38. O Isus si izdajime

Svako brš e Židovurja slavinas e Pasha. Godova slavinas zbog godova kaj o Del spasisardas lenđe paponen andar o ropstvo ando Egipto maj sigo but brš. Varekaj katar trin brš sar o Isus počnisardas te propovedil thaj sikavel javno, o Isus phendas pire učenikonenđe kaj kamel te slavil e Pasha lenca ando Jeruzalemo, thaj kaj vo okote avela mudardo.

Jek katar e Isusešće učenikurja sas o manuš savo akhardolas Juda. O Juda sas zadužime pale apostolsko blagajna, ali volilas e love thaj često čorelas e love andar e blagajna. Nakon so o Isus taj lešće učenikurja aresline ando Jeruzalem, o Juda đelo ke Židovske vođe thaj ponudisardas lenđe te izdail e Isuse pale love. Džanglas kaj e Židovske vođe či paćan kaj si o Isus Mesija thaj kaj planirinas te mudaren les.

E Židovske vođe saven vodilas o baro rašaj, poćindine e Judašće trjanda rupune lovora te izdaisarel e Isuses. Akava dogodisajlo tačno kana e prorokurja predvidiardine. O Juda pristanisardas, lija e love, thaj đelotar. Počnisardas te rodel prilika te pomožil len te astaren e Isuse.

Ando Jeruzalem, o Isus proslavisardas e Pasha pire učenikonenca. Pale Pashako habe, o Isus lija o mangro thaj phaglales. Phenda: "Len thaj han akava. Akava si mungro telo, savo delpe pala tumene. Akava ćeren te dentumen gođi mande." Pe akava način, o Isus phendas kaj lesko telo avela žrtvujime pale lende.

Askal o Isus vazdas o tahtaj thaj phendas: "Pijan akava. Akava si mungro rat Nevo Savezo savo čhorelape palo jatosardipe katar e bezeha. Akava ćeren te dentumen gođi mande svako drom kana pijen."

Askal o Isus phendas e učenikonenđe: "Jek tumendar izdaila man." E sikamne sas šokirime, thaj phučline ko ćerdasas gajda vareso. O Isus phendas: "Manuš saves dava kotor mangro si mungro izdajniko." Askal dijas o mangro e Judašće.

Nakon so o Juda lijas o mangro, o beng dija ande leste. O Juda inkljisto thaj đelo te pomožil e Židovske vođenđe te astaren e Isuse. Sas tunjariko.

Nakon o habe, o Isus thaj lešće učenikurja đele pe Maslinsko gora. O Isus phendas: "Savora tumen mućena man arjat. Ramosardo si: 'Pećena e pastire thaj sa e bakhre našena.'"

O Petar phendas: "Čak vi ako sa aver mućentut, me či mukavatut!" Askal o Isus phendas e Petrešće: "O beng kamel sa te leltumen pešće, ali molisajlem pala tute, Petre, te ćiro paćape či perel. Ali ipak, arjat, majsigo nego o bašno zakukuričil, trin drom pheneja kaj či uopšte pindžars man."

O Petar askal phendas e Isusešće: "Čak vi ako trubul te merav, nikada či phenava kaj či pindžaravtut!" Sa aver e učenikurja phendine isto.

Askal o Isus đelotar pire učenikonenca po than savo akhardolas Getsemansko vrt. O Isus phendas pire učenikonenđe te molinpe te či peren ando napast. Askal o Isus đelo po korkoro than te molilpe.

O Isus molisardas trin drom: "Dade mungreja, ako si moguće, molima tuće te naj moraš te pijav akava tahtaj patnje. Ali ako naj aver načino te e themešće bezeha aven jartome, askal neka avel ćiri volja." O Isus sas zurale uznemirime thaj lesko znojo sas sago kapljice rat. O Del bičhaldas e anđelo te osnažil les.

Nakon svako drom kana molisajlo, o Isus boldelaspe ke pire učenikurja, ali len lija e lindri. Kana boldaspe o trito drom, o Isus phendas: "Džungadon! Mungro izdajniko si akate."

O Juda avilo e židovske vođenca, e vojnikonenca thaj e but e themesa. Inđarenas e mačurja thaj e rovlja. O Juda avilo e Isusešće thaj phendas: "Pozdrav sikavneja," thaj čumidas les. Akava sas znako e židovske vođenđe te džanen kas te astaren. Askal o Isus phendas: "Juda, zar izdaisma čudidipaja?"

Dok e vojnikurja astardine e Isuse, o Petar inkalda piro mačo thaj čhindas o kan e bare rašaješće slugaskobare. O Isus phenda: "Bolde o mačo! Me te kamav šaj rodav katar mungro Dad sasti vojska anđelurja te branin man. Ali me moraš te avav poslušno mungre Dadeće." Askal o Isus sastardas o kan godole manušesko. Nakon so astardine e Isuse, sa e učenikurja našline.

Biblijsko paramiča andar o: Matej 26:14‒56; Marko 14:10‒50; Luka 22:1‒53; Jovan 12:6; 18:1‒11