23. E Isusesko Bijandipe

E Marija sas verime palo pravedno manuš savo akhardolas Josip. Kana vo ašundas kaj si e Marija khamni, džanglas kaj godova naj lesko čhavro. Čikamlas te ladžarel e Marija, pa planirisardas čordanal te rastanilpe latar. Maj sigo nego so ćerdas godova, o anđeo avilo e Josipešće ando suno thaj phendas lešće.

O anđeo phendas: "Josipe nadara te les e Marija pale ćiri romnji. Kaj čudesno ačhili khamni thaj o čhavro savo si ande late, katar o Sveto Duho si. Voj bijanela čhaves.A tu deja les alav Isus (so značil 'o Jahve spasisarel'), kaj vo spasila e theme katar lenđe bezeha."

Gajda kaj o Josip lija romjaće e Marija thaj andala ćhere sago pire romnja, ali či sutas lasa dok či bijansas.

Kana pašili e vrjama te e Marija bijanel, e Rimsko vlada phendas savorenđe kaj zbog o popiso džan ando gav kaj lenđe papurja maj sigo trajinas te ramon pes. O Josip thaj e Marija moraš te putuinas andar o Nazaret, kaj trainas, ando Betlehem, kaj o Betlehem sas bijando gav leđe predakossko e Davidesko.

Kana aresline ando Betlehem, nas than kaj ačhena te raćaren. Jedino than savo šaj arakhiline sas e štala. Okote bijandilo o čhavro, a lešći dej čhutales ande jasle, kaj naslen kreveto pale leste. Thaj dineles alav Isus.

Godoja rjat, varesave pastirja araćhenas pire bakhren. Andar jekhvar pojavisajlo lenđe o anđeo savo sas obajsime e bare svetlosa, a von darajle. O anđeo phendas lenđe: "Nadaran, kaj siman bahtali nevimata. Ando Betlehem bijandilo o Mesija e Gospodesko!"

"Roden e čhavre, thaj araćhena les ande štala sar pašljol ande jasle paćardo ande krpe." Andar jekhvar, o nebi pherdilo e anđelenca save slavinas e Devles, alavenca: "Slava e Devlešće ando nebo thaj miro e themešće pe phuv savenđe smiluisajlo."

E pastirja uskoro aresline po than kaj sas o Isus thaj arakhlineles sar pašljol ande jasle, baš sar o anđeo phendas lenđe. Thaj zbog godova sas zurale bahtale. E pastirja boldinepes pe livadina kaj sas e bakhre, thaj slavinas e Devle pale sa so ašundine thaj dikhline.

Vraresošći vrjama maj posle, e mudracurja andar e duralo istoko dikhline e neobično čarain po nebo. Svatisardine kaj si godova znako kaj bijandola nevo caro e židovengo. Gajda kaj putuisardine dural te dićhen godole caro. Aviline ando Betlehem thaj arakhline o ćher kaj sas o Isus pire dadesa thaj pire dejasa.

Kana e mudracurja dikhline e Isuso lešće dejava, poklonisajle thaj iskažisardine lešće čas. thaj daruisardine les e kuč poklonenca a akal boldinepes ćhere.

Biblijske paramiča andar o: Matej 1; Luka 2