48.O Isus si obećime Mesija

Kana o Del stvorisarda o them, sa sas savršeno. Nas bezah. O Adam thaj e Eva volinas jek avre, thaj volinas e Devle. Nas nasvalipe ni meripe. O Del kamla te o them avel kasavo.

O beng progovorisardas kroz o sap ando vrto sar zavedisardasas e Eva. Askal voj thaj o Adam sagrešisardine protiv o Del. Pošto sagrešisardine, savora pe phuv aven nasvale thaj meren.

Pošto o Adam thaj e Eva sagrešisardine, vareso još majgore dogodisajlo. Von postanisardine e Devlešće dušmaja. Sago posledica, katar godoja vrjama svako manuš bijanelpe e bezehosa thaj ujedno si vi e Devlesko dušmano. Odnos maškar o Del thaj o them sas narušime zbog o bezah. Ali e Devle sas plano te obnovil gogova odnoso.

O Del obećisardas kaj jek katar e Evaće potomkurja smrskola e Benđeško šoro, a kaj o beng ranila lešći khuv. Akava značilas kaj o beng mudarela e Mesija, ali kaj o Del palem boldelale ando trajo, a askal o Mesija smrskola e benđešći moć zauvek. But brš maj posle, o Del objavisarda kaj si o Isus godova Mesija.

Kana o Del e potopesa uništisardas sasti phuv, dija brodo savo spasila e romen save paćanas ande leste. Po isto način, savora zaslužisaren te aven uništime zbog pire bezeha. Ali o Del dija e Isuse te spasil svakone savo paćal ane Leste.

Šele bršenca, e rašaja neprestalno anenas žrtve e Devlešće pale roma te sikaven e kazna savi zaslužisaren zbog pire bezeha. Ali godola žrtve naštik line e bezeha. O Isus si majbaro baro rašaj. Pale razlika aver rašajenđe, vo prinesisardas korkoro pes sago jedino žrtva savi šaj te inđardas e bezeha sa e romenđe po sasto them. O Isus si savršeno baro rašaj kaj lija e kazna pale svako bezah savo vareko varekana ćerda.

O Del phenda e Abrahamešće: "Sa o them pe phuv avela blagoslovime kroz tute." O Isus sas potomko e Abrahamesko. Sa o them si blagoslovime kroz leste, kaj svako ko paćal ando Isus si spasime katar o bezah, thaj postajil e Abrahamesko duhovno potomko.

Kana o Del phenda e Abrahamešće te prinesisarel pe čhave e Izako sago žrtva, o Del dija e bakhre pale žrtva umesto lesće čhave, e Izako. Savora amen zaslužisaras te meras pale amare bezeha! Ali o Del dija e Isuse sago e Devlešće Bakhre, te merel umesto mende.

Kana o Del bićhakdas poslednjo pošas po Egipat, phenda svako Izraelošće familijaće te del čhurjasa savršeno bakhre thaj lešće ratesa te maćhen pe dovratkurja pe vudarešće. Kana o Del dikhlas o rat, nakhas lenđe ćhera thaj či mudarda lenđe prve bijande čhave. Akava događajo akhardolas Pasha.

O Isus si amaro pashalno Bakhro. Vo si savšeno bi bezehalo thaj sas mudardo pale vrjama e pashalne proslavaće. Kana vareko paćal ando Isus, e Isusesko rat si poćin pale godolesće bezeha, a e Devlešći kazna naćhel katar godova rom.

O Del ćerda savezo e Izraelconenca, save sas lesko izabrano them. Ali o Del akana ćerdas Nevo Savezo savo si dostupno savorenđe. Zbog kava Nevo Savezo, bilo ko andar bilo savo them šaj avel deo e Devlešće themestar gajda kaj paćala ando Isus.

O Mojsije sas baro proroko savo navestilas e Devlesko alav. Ali o Isus si majbaro proroko katar sa. Vo si Del, gajda kaj sa so ćerda thaj phenda sas delurja thaj alav e Devlesko. Zbog godova o Isus akhardol alav e Devlesko.

O Del obećisarda e kraljošće Davidešće kaj jek katar lešće potomkurja vladila sago kraljo pe Devlesko them zauvek. Pošto si o Isus o Čhavo e Devlesko thaj Mesija, vo si godova posebno potomko e Davidesko savo šaj vladil zauvek.

O David sas kraljo e Izraelosko, ali o Isus si kraljo saste svemirosko! Vo avela palem thaj vladila pe po kraljevstvo e pravdasa thaj e mirosa, zauvek.

Biblijsko paramiči andar o: Postanak 1‒3; 6; 14; 22; Izlazak 12; 20; 2 Samuelova 7; Hebrejima 3:1‒6; 4:14‒5:10; 7:1‒8:13; 9:11‒10:18; Otkrivenje 21