31. O Isus phirel po paj

Askal o Isus phendas pire učenikonenđe te den ando čamco thaj otplovin pe aver rig e jezerošći dok či vo ispratil e bute theme. Nakon so ispratisardas e theme, lijaspes pe planina te molilpes. O Isus sas okote korkoro thaj molisajlo dugo ende rjat.

Pale godoja vrjama, e učenikurja veslinas ando čamco, ali dži ke bari rjat von aresline samo džike opašin e jezerošći. Veslinas bare mukasa kaj phurdelas e bari bavlal karingal lende.

Kana o Isus završisardas piri molitva, teljardas karingal pire učenikurja. Gajda kaj phirelas opral po paj e jezerosko prema lengo čamco!

E učenikurja zurales darajle kana dikhline e Isuse, kaj gndisardine kaj dićhen e duhos. O Isus džanglas kaj daran, pa akhardas len thaj phendas: "Na daran. Me sem!"

Askal o Petar phendas e Isusešće: "Gospode, ako san tu, zapovedisar manđe te avav tute po paj." O Isus phendas e Petrešće: "Av!"

Gajda o Petar inkljisto andar o čamco thaj počnisardas te phirel prema o Isus opral po paj. Ali nakon so cara phirelas po paj. No,nakon so cara prirdas po paj, lijas piro pogled katar o Isus thaj počnisardas te dićhel pe talasurja save sas oko leste thaj haćardas e bari bavlal.

Askal o Petar darajlo thaj počnisardas te tonil ando paj. Čhutas muj: "Gospode, spasisar man!" O Isus odma dijales piro vas thaj astarda les. Askal phendas e Petrešće: "Pi paćako manuša, sostar posumnjisardan."

Kana o Petar thaj o Isus dine ando čamco, e bavlal odma ačhili te phurdel thaj o paj smirosajlo. E učenikurja sas zadivime. Naklonisajle thaj štuisardien e Isuses. Phendine lešće: "Čačes, tu san o Čhavo e Devlesko."

Biblijsko paramiči andar o: Matej 14:22-33; Marko 6:45-52; Jovan 6:16-21