20. Izganstvo thaj boldipe palpale

Izraelosko kraljevstvo thaj e Judejsko kraljevstvo liduj sagrešisardine protiv o Dela. Prekršisardine o savezo savo o Del lenca skloipisardas po Sinaj. O Del bičhalelas e prorokonen te upozorisaren len te pokajinpes thaj te Les poštuisaren ali von odbiardine te paćan.

Thaj o Del kaznisardas liduj kraljevstvurja gajda kaj muklas lenđe dušmajen te uništisaren len. Asirsko kraljevstvo, jek moćno, thaj okrutno them, uništisardine e Izraelosko kraljevstvo. E Asirijcurja sas mudarde but o them ande e Izraelosko kraljevstvo, line sa so sas molas, thaj dine jak bute phuvja.

E Asirijcurja ćidine sa e barvale, vođen, thaj e vešten romen thaj inđardinelken ande Asirija. Ando Izraelsko kraljevstvo ačhile samo e čore Izraelcurja save nas mudarde.

Askal e Asirijcurja andine e stranconen te trajin ande phuv kaj sas e Izraelconengo kraljevstvo. E strancurja palem vazdine e gava thaj lenas pe e Izraelconenca save ačhile kote. E potomkurja e Izraelonđe save linepes e stranconenca akhardonas Samarijancurja.

O them ando Judejsko kraljevstvo dikhline sar o Del kaznisardas e theme andar o Izraelesko kraljevstvo zato kaj či paćanas lesće thaj či ašunenas leste. Ali vi maj dur poštuisarens e idolen, uključime e Kananconenđe devlen. O Del bičalelas e prorokonen te upozorisarenlen, ali von čikamline te ašunen.

Varekaj katar e 100 brš nakon so e Asirijcurja uništisardine e Izraelosko kraljevstvo, o Del bičhaldas e Nabukodonozore, e kraljo e Babilonešće, te napadnisarel e Judejskosko kraljvstvo. O Babilon sas zuralo carstvo. E Judejske kraljurja ačhiline pe godova te aven e Nabukodonorešće sluge thaj te poćinen lešće but e love svak brš.

Ali nakon vareso brša, e Judejsko kraljo pobunisajlo protiv o Babilon. Pa e Babiloncurja napadnisardine e Judejsko kraljevstvo. Osvoisardine o gav Jerusalim, uništisardine o hramo thaj line sa o barvalipe andar o gav thaj andar o hramo.

Te kaznisarel e Judeskošće kraljos pale pobuna, e Nabukodonozorešće vojnikurja mudardine e kraljošće čhaven angle leste thaj askal korordinele. Nakon godova inđardine e kraljos te merel ando phanglipe ando Babilon.

O Nabukodonozor thaj lešće vojnikurja inđardine gata sa e theme andar o Judejsko kraljevstvo ando Babilon, mukline samo e maj čore theme te posadin e njive. Akaja vrjama kana sas e Devleko them tradino andar e Obećime phuv akharelpes izganstvo.

Viako o Del kaznisardas pe theme zbog lenđe bezeha gajda kaj inđardalen ando izganstvo, Vo či bistardas pe lende niti pe kova so obećisardas lenđe. O Del nastavisardas te lel sama pe po them thaj vi majdur phenelas lenđe preko e prorokurja. O Del obećisardas kaj von pale eftavardeš brš, boldenapes palem ande Obećime phuv.

Eftavardeš brš maj posle, o Kir, Perzisko kraljo, porazisara o Babilon, pa o Perzisko carstvo sas zamenime e Babilonsko carstvosa. E Izraelcurja akana akhardonas Židovurja thaj majbut von nakhline po sasto trajo ando Babilon. Samo varesošće zurale purane Židovurja denpe gođi e Judeskošće phuvjaće.

O Perzisko carstvo sas zuralo, ali milosrdno prema o them saven pokorisardine. Cara nakon so o Kir postanisardas kraljo Perzijako, dijas naredba te bilo savo Židovo kamel te boldelpes ande Judeja šaj te inkljel andar e Perzija thaj boldelpes ande Judeja. Čak dijalen vi love te vazden o Hramo! Gajda kaj nakon eftavardeš brš ando izganstvo, cikni grupa Židovsko them boldaspe ando gav o Jerusalim ande Judeja.

Kana o them areslo ando Jerusalim, palem vazdine o Hramo thaj e zidurja oko gav. Viako sas vi majdur tale aver thema, palem trainas ande Obećime phuv thaj štuinas e Devle ando Hramo.

Biblisko paramiči andar: 2. Kraljevima 17; 24-25; 2. Ljetopisima 36; Ezra 1-10; Nehemija 1-13