30. O Isus pravarel pandž milja manušen

O Isus bičhaldas pire apostolen te propovedin thaj te sikaven e theme ande aver razne gava. Kana boldinepe ko Isus, phendine lešće so ćerdine. Askal o Isus akharda len te džan lesa po mirno than, prekal aver rig e jezerošćim. Pa dine ando čamco, thaj đele pe aver rig e jezerošći.

Ali, o but o them dikhlas e Isuse thaj lešće učenikonen sar dine ando čamco. Thaj o them počnisardias te prasten oko o jezero te aven pe aver rig e jezerošći majsigo katar o Isus thaj lešće učenikurja. Pa kana o Isus thaj lešće učenikurja aresline, bari grupa them već ažućarenas les okote.

Godova but o them đinavelas prekal pandž milje 5000 rmanuša, bi e manušenjengo thaj e čhavrengo. O Isus zurales sažalisajlo pe godola manuša. Thaj činisajle lelšće sago e bakhre bi e pastiresko. Pa sikavelas len thaj sastarelas okolen save sas nasvale maškar lende.

Maj posle godova đes, e sikamne phendine e Isusešće: "Kasno si thaj naj gava paše. Bičhal e theme te džal te lel pešće vareso te hal."

Ali o Isus phendas pire učenikonenđe: "Tumen den len vareso te han!" Von phendine: "Sar te ćeras godova? Siamen samo pandž mangre thaj duj cikne mačhora."

O Isus phendas e učenikonenđe phenen e themešće te bešen pe čar, ande grupe po pandžvardeš manuša ande svako grupa.

Askal o Isus lijas pandz mango thaj duj mache, dikhlas ando nebo, thaj zahvalisardas e Devlesce palo habe.

Askal o Isus phaglas e mangre thaj e mache pe duj kotora. Dija e kotora pire učenikonenđe te podelin e themešće. E učenikurja nastavisardine te delin o habe e themešće, a o habe nikad ći nestanilas. sa e manuša hanas thaj čaljiline.

Pale godova e učenikurja ćidine o habe savo o but o them či halas, a ačhilo gaći te pherdon dešuduj korpe! Sa godova habe avilo katar e pandž mangre thaj katar e duj mache.

Biblijsko paramiči andar o: Matej 14:13-21; Marko 6:31-44; Luka 9:10-17; Jovan 6:5-15