49. E Devlesko nevo savezo
O anđeo phendas e devicaće Marijaće kaj bijanela e Devlešće Čhave. Gajda kaj, dok sas još devica, o Sveto Duho zasinisarda thaj voj ačhili phari. Bijanda čhave thaj dijale alav Isus. Godolestar, o Isus sas Del thaj rom.
O Isus ćerelas but čudurja save sikaven kaj si vo Del. Phirelas po paj, smirolas e oluja, sastarelas but nasvale theme, tradelas e benđen, uskrsnilas e mulen thaj pretvorisaras pandž mangre thaj duj cikne mačhe ando dovoljno habe pale 5000 roma te han.
O Isus sas vi baro sikamno, thaj ćerelas svato e autoritesa kaj vo si Čhavo e Devlesko. Vo sikavelas kaj trubul te volisares avre romen po isto način sar volisares korkoro tut.
Isto gajda sikavelas kaj trubul te volis e Devle majbut nego so volisares bilo so aver, uključime vi ćo barvalipe.
O Isus phenda kaj si o kraljevstvo e Devlesko maj vredno katar bilo so po them. Vareso maj važno pale bilo kaste si te pripadil ando kraljevstvo e Devlesko. Te des ando kraljevstvo e Devlesko, moraš te aves spasime katar će bezeha.
O Isus sikavelas kaj varesave roma prihvatina les thaj avena spasime, a aver či. Phenda kaj si varesošće roma sago lačhi phuv. Von primin e lači vest andar o Isuso thaj aska si spasime. Aver roma si sago zurali phuv varesošće dromešći, kaj o seme o alav e Devlesko či del, thaj či del nisošći žetva. Godola roma odbisaren e poruka e Isusošći thaj či dena ando lesko kraljevstvo.
O Isus sikavelas kaj o Del volil e bezehalen but. Vo kamel te jartosarel lenđe thaj te ćerelen pire čhavrenca.
O Isus isto gajda phendas menđe kaj o Del mrzal o bezah. Kana o Adam thaj e Eva sagrešisardine, godova sa utičilas pe sa lenđe potomkurja. Sago posledica godolešće, svako manuš po them grešisarel thaj si odvoime katar o Del. Godolestar, savora postanisardine e Devlešće dušmaja.
Ali o Del volil svakone po them gaći but kaj dija pe jećhe Čhave te kogot paćal ando Isus či avela kaznime pale pire bezeha, nego traila e Devlesa zauvek.
Zbog ćiro bezah, tu san došalo thaj zaslužisares te meres. O Del terubujasas te avel holjariko pe tute, ali vo pi holji mukla po Isus umesto pe tute. Kana o Isus mulo po trušul, vo primisarda ćiri kazna.
O Isus nikada či sagrešisardas, ali odabirisarda te avel kaznime thaj te merel sago savršeno žrtva te inđarel ćire bezeha thaj e bezeha svako manušešće po them. Pošto o Isus žrtvuisarda korkoro pes, o Del šaj jartosarel svako bezah maj džungale bezeha.
Ćo lačhipe naštik spasisareltut. Naj khanči so tu šaj ćeres te aveltu zajedništvo e Devlesa. Samo o Isus šaj jartosarel če bezeha. Tu samo trubul te paćas kaj si o Isus Čhavo e Devlesko, kaj mulo po trušul umesto tute thaj kaj o Del vazdale andar e mule.
O Del spasila svakone ko paćal ando Isus thaj primile sago pe Gospodare. Ali vo či spasila kole ko či paćal ande Leste. Naj važno dali san čoro ili barvalo, muško ili žensko, purano ili terno, ili kaj trais. O Del voliltu thaj kamel te paćas ando Isus sar les avilosas blisko zajedništvo tuva.
O Isus akhareltu te paćas ande leste thaj te aves boldo. Paćas ka si o Isus Mesija, jedino Čhavo e Devlesko? Paćas kaj san bezehalo thaj kaj zaslužisares te o Del kazniltu? Paćas kaj o Isus mulo po trušul te inđarel ćo bezah?
Ako paćas ando Isus thaj ande kova so vo ćerda pale tute, askal san hrišćanino. O Del inkaldatu andar e benđesko tuljarikosko kraljevstvo thaj čhutatu ande Devlesko kraljevstvo svetlo. O Del lija ćire purane bezehale navike trajošće, thaj dijatu neve, pravedne načinurja trajošće.
Ako san hrišćanino, o Del jartosada tuće će bezeha zbog o kova so o Isus ćerda. Akana o Del inćareltu sago pašešće drugaresa umesto dušmanesa.
Ako san drugari e Devlesko thaj sluga e Isusesko Gospodesko, kameja te aves poslušno okolešće so o Isus sikavelas. Vi ako san hršćanino vi majbut aveja ande kušnje e bezehešći. Ali o Del si verno thaj phenel ako priznaisares ćire bezeha, vo jartosarela tuće. Vo delatut zor te boristu protiv o bezah.
O Del phenel tuće te molistu, te proučavis lesko alav, te štuisaresle aver hršćanonca thaj te phenes averenđe so vo ćerda pale tute. Sa kava pomožisareltuce te aveltu majpašo odnoso lesa.
Biblijsko paramiči andar e: Rimljanima 3:21‒26; 5:1‒11; Jovan 3:16; Marko 16:16; Kološanima 1:13‒14; 2. Korinćanima 5:17‒21; 1. Jovanova 1:5‒10