24. O Jovano bolel e Isuse

O Jovano čhavo e Zaharijasko thaj e Jelisavetako, barilo thaj postanisardas proroko. Trailas ande divljina, halas divljo medo thaj skakavcuja a e drze pe leste sas katar e kamilaći morćhi.

But o them džalas ande pustinja te ašunel e Jovanos. Vo propovedilas lenđe alavenca: "Pokaintumen, kaj si o carstvo e Devlesko paše."

Kana o them ašundas e Jovanošći poruka, but lendar pokaisajle pale pire bezeha, thaj o Jovno boldaslen. But e pobožne vođe isto avenas te o Jovano bolelen, ali von či pokaisajle niti priznaisardine pire bezeha.

O Jovano phendas e pobožne vođenđe: "Tumen otrovne sapalen! Pokaintumen thaj promenin tumaro ponašanje. Svako kaš savo či del lačho plodo čhinelapes thaj čhudelpe ande jag." O Jovano pherdas okova so e prorokurja phendine: "Ake bičhalav mungre glasniko angle tute, savo pripremila ćiro drom."

Varesave Židovorja phučline e Jovanes dali si vo o Mesija. A o Jovano phendas: "Me najsem o Mesija ali avel vareko pale mande. Vo si gajda baro kaj me najsem dostojne ni te phandav e sandale pe lešće pungre."

Aver đes, o Isus avilo te o Jovano bolel les. Kana o Jovano dikhla les, phendas: "Diđhen! Eke o Bakhro e Devlesko savo inđarel e bezeha e themešće."

O Jovano phendas e Isusešće: "Najsem dostojno te bolavtut. Trubujanas tu man te boles." Ali o Isus phendas: " Trubus te boles man, kaj si godova ispravno te ćerelpes." Thaj gajda, o Jovano boldas les, vi ako o Isus nikada či sagrešisardas.

Kana o Isus inkljisto andar o paj nakon so sas boldo, o Duho Sveto pojavisajlo ando obliko e golubesko thaj fulisto thaj ačhilo pe leste. Ande isto vrajama e Devlesko glaso ašundilo andar o nebo: "Tu san mungro čhavo saves voliv thaj zurales sem zadovoljno tusa."

O Del već phendas e Jovanošće: "O Duho Sveto avela thaj ačhela pe varekaste kas bolesa. Godova manuš si o Čhavo e Devlesko." Samo si jek Del. Ali kana o Jovano bolelas e Isuse, ašutdas o glaso e Devlesko Dadesko, dikhlas e Čhave Devle, savo si o Isus, thaj dikhlas e Duho Svetos.

Biblijske paramiča andar o: Matej 3; Marko 1:9-11; Luka 3:1-23