7. O Del blagoslovisarel e Jakove

Sar e čhavra bajronas, o Jakov volilas te ačhel ćhere, dok o Ezav volilas te džal ando lovo. E Rebeka majbut volilas e Jakove a o Izak e Ezavo.

Jek đes, dok o Ezav boldelaspe andar o lovo, sas zurale bokhalo. O Ezav phendas e Jakovešće: "Moliv tu, deman cara te hav katar okova so ćiradan." A o Jakov phendas: "Prvo tu deman ćiro pravo sago savo si tut sago majpurane čhaves." Thaj gajda o Ezav dijas e Jakove piro pravo maj purane čhavesko. Askal o Jakov dijales te hal.

O Izak lijas te del piro blagoslov e Ezavešće. Ali majsigo so areslo te ćerel godova, e Rebeka thaj o Jakov hohadine les gajda kaj o Jakov ćerdaspes kaj si o Ezav. O Izak purajlo thaj naštik majbut te dikhlas pe pire jakha. Gajda o Jakov lijas pe peste e Ezavošće drze thaj čhutas e buznjaće bal pe pire vas thaj pe piri kor.

O Jakov avilo ko Izak thaj phendas: "Me sem o Ezav, thaj avilem te tu blagoslovis man." Kana o Izak haćarda e buznjaće bal thaj pomirišisarda e drze, gndisardas kaj si godova o Ezav thaj blagoslovisardas e Jakove.

O Ezav zamrzisardas e Jakove kaj o Jakov čordas lesko pravo sago o maj purane čhavsko, a vi lesko blagoslov. Zato planirisardas te mudarel e Jakove nakon so merel lengo dad.

Ali e Rebeka ašundas e Ezavesko plano thaj gajda voj thaj o Izak bičhaldine e Jakoves te džaltar dur te trajil pire dejaće familijava.

O Jakov trajisardas e Rebekaće familijasa but brš. Pale godoja vrjama oženisajlo thaj sasles dešuduj čhave thaj jek čhej. O Del ćerda les te avel but barvalo.

Nakon biš brš sar trailas majdur katar piro ćher ande phuv Kanan, o Jakov boldapes palpale pire familijava, pire slugonenca, thaj pire životinjenca saven sas les put.

O Jakov zurales daralas kaj gndisardas kaj o Ezav vi maj dur kamel te mudarel les. Zato bičhaldas but stadaurja životinjen e Ezavošće sago poklon. O sluga savo anda e životinjen phendas e Ezavešće: "Ćiro sluga o Jakov, vo bičhaldas thaj del tut akala životinje. Vo avela maj posle."

Ali o Ezav već jartosardas e Jakovešće, thaj sas bahtale kaj palem dikhlinepe. O Jakov askal mirno traisarda ando Kanan. Askal o Izako mulo, o Jakov thaj o Ezav prahosardinele. Savesne obećajipa kaj o Del obećisardas e Abrahamešće nakhline katar o Izak po Jakov .

Biblijaće paramiča andar o: Postanak 25:27-33:20