26. O Isus započnisarel piri služba

Nakon so nadvladisardas e Benđešće kušnje, o Isus boldaspes palpale ande sila e Sveto Duhosći ando područije e Galilejako kaj tvi rajilas. O Isus džalas katar o than dži ko than thaj sikavelas. Savora lačhe phenenas pale leste.

O Isus đelotar ando gav Nazaret kaj trajilas dok sas čhavro. Po savatosko đes, đelo ande zgrada kaj štuilas pes o Del. Dinele o svitko katar o proroko Izaija te čitosarel andar leste. O Isus putardas o svitko thaj čitosardas jek deo aldar leste e themešće.

O Isus pročitosardas: "O Del dijaman piro Duho te šaj te navestisarav o lačho svato e čorenđe, sloboda e phanglenđe, te boldav o vido e korenđe, thaj o oslobođenje okolenđe save si potlaćime. Akava si brš kana o Gospod smiluisajlo."

Askal o Isus bešlas. Savora pozorno diđhenas les. Džangline kaj akava deo andar o lil save akana ašundine odnosilas pes po Mesija. O Isus phendas. "E alava save akana pročitosardem dogodisajle uravo akana." O them sas zadivime. Thaj ohendine "Naj li akava o čhavo e Josipesko?"

Askal o Isus phendas, "Čače si kaj nijek proroko naj prihvatime ande piro bijando gav. Pale vrjama kana sas o Ilija proroko, sas but udovice ando Izraelo. Ali kana nas bršnd trin thaj opaš brš, o Del či bičhaldas e Ilija te pomožil e udovica andar o Izraele, nego e udovica andar aver them."

O Isus nastavisardas te ćerel svato: "Gajda vi pale vrjama kana sas o proroko Elizaija, sas but them ando Izraelo e morćhašće nasvalipeja. Ali o Elizej či sastardas ni jećhe lendar. Jedino sastardas e Nemanes katar e mošćhako nasvalipe, savo sas zapovedniko e Izraelošće dušmanengo." O them savo ašunelas e Isuse sas Židovurja. Thaj kana ašundine kaj phenel akava holjajle pe leste.

O them savo trailas ando Nazaret crdine e Isuses andar e zgrada kaj štuilas pes o Del thaj andineles dži ko krajo e liticako te čhuden les latar tele te mudaren les. Ali o Isus nakhlas maškar o but o them thaj inkljisto andar o gav Nazaret.

O Isus askal nakhlas kroz o područije e Galilejako, a o but o them avilo leste. Andine leste but e manušen save sas nasvale ili hendikepirime, thaj vi okolen save naštik te dićhenas, phirens, ašunen ili ćeren svato a o Isus sastarelas len.

But e manuša saven sas e benđesko duho ande lende anenas len ko Isus. A pe Isusošći zapoved, e benđengo duho inkljelas andar o them thaj često čhonas muj: "Tu san o Čhavo e Devlesko!" But o them sas zadivime thaj slavilas e Devles.

Pale godova, o Isus odabirisardas dešuduj manušen saven akhardas kaj si lešće apostolja. E apostolija putuinas zajedno e Isuseja thaj sićonas lestar.

Biblijske paramiča andar o: Matej 4:12-25; Marko 1:14-15, 35-39; 3:13-21; Luka 4:14-30, 38-44