25. O Beng iskušil e Isuse

Odma o nakon so sas o Isus boldo, o Duho Sveto inđardasles ande divljina, kaj postisardas štarvardeš đesa thaj štarvardeš rjat. Askal o Beng avilo e Isusešće thaj probilas te crdel les po bezah.

O Beng probisardas te crdel e Isuse po bezah gajda kaj phendas: "Ako san tu o Čhavo e Devlesko, ćer katar o bar te avel mangro te šaj te has!"

O Isus phendas lešće: "Ramome si ande Devlesko alav: 'O them či trubul samo mangro te train nego trubun svako alav savo o Del phenel!'"

Askal o Beng inđardas e Isuses pe maj vučo than po hramo thaj phendas: "Ako san o Čhavo e Devlesko, čhutetut akatar tele, kaj si ramome: 'O Del zapovedila pire anđelenđe te inđarentut pe vas te či pećes e pungresa ando bar."

Ali o Isus phendas e benđešće gajda kaj citirilas lešće andar o sveto lil. Phenda: "Ande piro Alav, o Del zapovedil pire themešće: 'Na ćeren te o Gospod, tumaroro Devle dokažil tumenže kaj si lačhot".

Askal o Beng sikadas e Isusešće sa e carstvurja e themešće, lengo barvalipe thaj lengo moć thaj phenas: "Davatut sa akava ako poklonistut manđe thaj peres štuis man."

O Isus phendas: "Džatar mandar, Benga! O Del zapovedisardas ande piro Alav pire themšće: 'Štuin samo e Gospode, e Devle tumare thaj samo lešće služin."

O Isus či ćerdas okova so o beng kušilas les te ćerel pa o Beng muklasles thaj đelotar lestar. Askal aviline e anđelurja thaj služisardine lešće.

Biblijske paramiča andaro: Matej 4:1-11; Marko 1:12-13; Luka 4:1-13