5. Obećime čhavo

Deš brš nakon so o Avram thaj e Saraja aresline ando Kanan, još uvek naslen čhavra. Pa e Avramešći romnji, e Saraja, phendas lešće: "Pošto o Del či muklas te avelman čhavra a akana sem purani te avelman čhavra, ake mungri sluškinja e Hagara. Le vi lat romnjaće tsar voj šaj bijandasas čhaves pale mande."

Thaj gajda o Avram oženisarda e Hagara. E Hagara bijanda čhave thaj o Abram dija les alav Jišmael. Ali e Saraja postanisarda ljubomorno pe Hagara. Kana sas e Jišmaeles dešutrin brš, o Del palem progovorsarda e Abramešće.

O Del phenda: "Me sem o Del svemogućo. Sklopiva savezo tusa." Aska o Avram poklonisajlo džike phuv. O Del askal phenda e Avramešće: "Aveja dad but e themešće. Dava tuće thaj ćire potomkonrenđe e phuv Kanan te avel mumari thaj me avava lengo Del zauvek. Moraš te obrezis svako čhavres thaj e muškarco ande ćiri familija."

"Ćire romnja, e Saraja, avela čhavo–vo avela čhavo saves obećisardem. Deles alav Izak. Lesa me sklopiva mungro savezo, a lestar avela baro them. Thaj vi e Jišmaelestar ćerava baro them, ali mungro savezo avela e Izakosa." Askal o Del promenisarda e Avramesko alav ando "Avraham", So si o "dad e butendo". O Del promenisardas vi e Sarajako alav ande "Sara" so si "princeza".

Godova đes o Abraham obrezisardas svako čhavres thaj svako muškarce ande piro ćher. Palo brš ćes maj posle, kana sas e Avrahame 100 brš, a e Sara 90, e Sara bijandas e Avrahamešće čhave. thaj akhardineles Izak, sago kaj o Del phenda lenđe.

Kana sas o Izak čhavo, o Del probisardas e Avrahameko paćipe gajda kaj phendas lepče: "Le e Izako, ćire jedine čhave, thaj mudar les sago žrtva manđe." O Abraham palem paćaja e Devlešće thaj pripremisajlo te žrtvujil pire čhaves.

Dok o Avraham thaj o Izak džanas džiko than e žrtvako, o Izak phučlas: "Dade,dali siamen kaš pale žrtva, ali kaj o bakhro?" O Abraham phendas: "E Devlešći briga si o bakhro, pale žrtva, sine mungreja."

Kana aresline džike žrtvako than, o Avraham phangla pire čhave e Izako thaj čhutales po žrtveniko. Thaj o Avraham taman spremisajlo te mudarel pire čhave, o Del phendas: "Ač! Na te naudisares e čhavešće! Akana džanav kaj daras mandar kaj či ni ćire jećhe čhaves uskratisardan mandar."

O Avraham paše lende dikhla bakhres savo zapnisarda ande kangre. O Del pobrinisajlo te o bakhro avel žrtva umesto o Izak. O Abraham bahtalo prinosisarda e bakhre sargod žrtva.

Askal o Del phenda e Avrahamešće: "Pošto sanas spremno te des man sa, čak vi ćire jećhe čhaves, obećisarav tuće kaj blagosloviva tut. Ćire potomkurja avena majbut nego e čerenja po nebo. Zbog godova kaj ašundan man, sa e familije pe phuv avena blagoslovime kroz ćiri familija."

Biblijaće paramiča andar o: Postanak 16-22