13. E Devlesko savez e Izraelconenca

Nakon so o Del nakhadas e Izraelconen kroz o lolo more, inđardaslen kroz e divljina džike planina savi akhardolas Sinaj. Godoja planina sas ito okoja planina pe savi o Mojsije dikhlas o kaš sar phabolas. E manuša razapnisardine pire šaturja tele paše e planina.

O Del phendas e Mojsijašće thaj e Izraelošće themešće: "Ako avena manđe poslušno thaj inćarena mungro savezo, avena mungri dragoceno svojina, kraljevstvo rašajengo thaj sveto them."

Trin đes maj posle, nakon so o them duhovno pripremisajle, o Del fuljisto po vrho e planinako Sinaj e grmljavinasa, e munjesa, thuvjesa, thaj glasno trubaće zvukosa. Samo e Mojsijašće sas muklo te lelpe opre po vrho e planinako.

Askal o Del dija len savezo thaj phendas lenđe: "Me sem o Jahve o Del tumaro, savo spasisardem tumen andar o ropstvo ando Egipat. Na slavin aver devlen."

"Na ćer idolurja niti slavisar len kaj me, o Jahve, sem ljubomorno Del. Na koristisar mungro alav po bilačhipe. Dik te o Savatosko đes avel tuće sveto. Aver alavenca, ćer sa ćire buća ande šov đesa kaj eftato đes si đes kana trubus te odmoristut thaj te destut gođi mande."

"Poštuisar ćire dades thaj ćire deja. Na mudar. Na ćer preljub. Na čor. Na hohav. Na mang te aveltut romnji, ćhere, ili bilo so aver so naj ćiro.

Askal o Del ramosardas kala Deš zapovedurja pe duj ploče katar o bar thaj dijaslen e Mojsijašće. O Del askal dijas vi but aver zakonurja thaj pravilurja save trubun te sledin. Ako o them čhola kan ke akala zakonurja, o Del obećisardas kaj blagoslovila len thaj štitila len. A ako avenena neposlušne e Devlešće, o Del kaznila len.

O Del ujedno vi dijas e Izraelconenđe detaljno opis palo šatori savo kamlas te ćeren. Akardasles Šator e sastankosko, ande savo sas duj sobe, save delilas o bari firanglja. Samo o baro rašaj tromalas te del andre aver soba pale firanglja, kaj okote trajilas o Del.

Ko god prekršisardasas e Devlesko zakono, šaj andasas e životinja po žrtveniko anglo Šatori e sastankonengo sago žrtva e Devlešće. O rašaj dijasas čhurjasa e životinja thaj dijasas lat jag po žrtveniko. O rat e životinjako savi sas žrtvujime učharelas o bezah godole manušesko thaj ćerelas godole manuše čisto ande Devlešće jakha. O Del odabirisardas e Mojsiješće phrales e Arone thaj e Aronošće potomkonen te aven lešće rašaja.

Nakon varesavi vrjama o them nas majbut čhonas kan ke zapovedi save dijas len o Del, te poštujin e jećhe Devle thaj te aven lesko posebno them. Ali na dugo nakon so obećisardine kaj avena poslušne e Devlešće, gadno sagrešisardine.

O Mojsije sas but đesa po vrho e planinako Sinaj thaj ćerelas svato e Devlesa. E themešće dojadisardas te ažućarenle te boldelpes. Thaj andine sunakaj e Aronešće thaj mangline lestar te ćerel lenđe idole!

O Aron ćerdas sunakuno idoli ando oblijko e guruvesko. O them počnisardas divlje te slavin godole idoles thaj te anen lešće žrtve! O Del zurele holjajlo pe lende kaj sagrešisardine thaj planirisardas sa te uništil len. Ali o Mojsije molisajlo pale lende, thaj o Del ašundas lešći molitva thaj či uništisardaslen.

Kana o Mojsije fuljisto katar e planina thaj dikhlas e idoles, sas gajda holjariko kaj phaglas e barune ploče pe save o Del ramosardas e Deš zapovedurja.

Askal o Mojsije phaglas e idoles thaj ćerdas lestar praho, o praho čhutas ande varesosko paj thaj tradas e themes te pen godva paj. O Del bičhaldas e bare nevolje po them thaj but lendar muline.

O Mojsije ćerdas aver barune ploče pale Deš zapovedi save zamenina okolen kaj phaglas. Askal palem lijapes opre pe planina thaj molisajlo te o Del jartosarel e themešće. O Del ašunda e Mojsija thaj jartosarda lenđe. O Mojsije boldaspes katar e planina e Deš zapovedenca pe neve ploče. Askal o Del inđardas e Izraelconen katar e planina Sinaj dromesa pale obećime phuv.

Biblijaće paramiča andar o: Izlasko 19-34