Ikinyarwanda: Open Bible Stories

Updated ? hours ago # views See on DCS

35. Inkuru y'umwana w'ikirara

Frame 35-01

Umunsi umwe Yesu yarigishaga. Hari abasoresha benshi n'abandi banyabyaha baje kumva ibyo yigishaga.

Frame 35-02

Nuko abayobozi b'idini babonye ari kumwe n'abanyabyaha abafata nk'inshuti ze,buri wese wo muri bo aramunegura. Yesu ababwira iyi nkuru ati:

Frame 35-03

"Habayeho umugabo wari ufite abahungu babiri, umuto abwira se ati:"Data nshaka umugabane wanjye ubu." Nuko se abaha imigabane.

Frame 35-04

"Bidatinze uwo musore afata ubutunzi bwe bwose ajya kure nuko ubutunzi bwe abumarira mu buzima bwiza by'omwisi

Frame 35-05

"Hanyuma yibyo muri icyo gihugu hatera inzara, uwo musore arakena kugeza ubwo yabuze amafaranga yo kugura ibyo kurya. Kugeza ubwo yemeye gukora akazi ko kuragira ingurube,kubw'inzara n'umubabaro yifuza gusangira n'ingurube.

Frame 35-06

"Nuko yisubiyeho aravuga ati:"Nkoze iki? Ubu abagaragu ba Data bararya bagasigaza none njye ndi kwicwa n'inzara. Ndasubira kwa Data mubwire angire umwe mu bagaragu."

Frame 35-07

"Nuko uwo musore asubira kwa se. Akiri kure se aramubona amugirira impuhwe. Asanganira umuhungu we aramuhobera aramusoma."

Frame 35-08

Nuko uwo musore abwira se ati:"Data nacumuye ku Mana no kuri wowe ntibinkwiriye kuba umwana wawe."

Frame 35-09

"Ariko se abwira abagaragu be ati:"Mwihute mumwanbike imyenda mwiza,mumwambike impeta, mumwambike n'inkweto.Mufate n'ikimasa cyiza mukibage dukore umunsi mukuru,kuko umwana wanjye yari yarapfuye none ariho yari yarazimiye none yabonetse.

Frame 35-10

"Nuko abantu bose barishima. Hatarashira umwanya, mukuru we araza avuye mu murima. Yumva indirimbo n'imbyino yibaza ibyabaye."

Frame 35-11

"Nuko amenye ko ari murumuna we waje,ararakara cyane yanga no kwinjira mu nzu. Nuko se arasohoka amusanga hanze aramwinginga ngo yinjire bishimane aranga."

Frame 35-12

"Nuko uwo musore abwira se ati:"Iyi myaka yose njye nakomeje gukora ndi umwizerwa! Sinagusuzuguye ariko ntiwampaye nibura agahene kamwe ngo ngasangire n'inshuti zanjye. Ariko uyu muhungu wawe wariye amafaranga yawe akayamarira mu kwinezeza, araje umubagiye n'ikimasa cyiza!"

Frame 35-13

"Se aramusubiza ati:"Mwana wanjye,uhorana nanjye kandi ibyanjye byose ni ibyawe. Biradukwiriye ko twishima kuko umuvandimwe wawe yari yarapfuye none ariho,yari yarazimiye none yabonetse.

Inkuru yo muri Bibiliya iboneka muri Luka 15:11-32